النهارده جه قدامى بروفايل حد مُلحد من مصر ... لقيته عمال بيقول رأيه فى حاجات كتير وعمّال بيشتم من غير حتى ما أى شخص يسأله. فببساطه قررت إنى كمان أكتب رأيى فيه من غير ما يسألنى عن رأيى
: وكلامى ليه كالتالى
!!!يعنى إنت لما شتمت حسيت إنك احسن!! هِديت كده وإرتحت وبقيت إنسان كويسحتى لو ملحد .. محدش قالك اعبد ربنا غصب عنك، بس أدام إنت ملحد يبقى تنطبق عليك قوانين الطبيعه. بمعنى إنك اللى بتعمله هيتعمل فيك بالظبط إنت اخترت طريق معين يبقى تحتمل نتايجه. و غصب عنك من غير حتى متحس هتبقى تحت وطأة قوة الأرض او الطبيعه او "الكارما" كما يسمونها هتشتم وتحتقر اللى حواليك .. بمنتهى البساطه هيحتقروك بنفس الدرجة اللى إنت بتحتقرهم بيها
دى ولا هيا خناقة ولا غيره، أنا ببساطه بقولك رأيى زى ما انت بتقول رأيك
وزى ما انت شايف الحرية فإنك تكون ملحد انا شايفاها فى عبادة إلهى إنت شايف الحرية فإنك تستجيب لرغباتك ببساطه بغض النظر عن أى شىء تانى أنا شايفه الحرية إنى اكون أقوى من رغباتى
إذا كنت تريدنى أن أحترمك بمعتقداتك فعليك أن تحترمنى ب'أساطيرى'كما تقول
